Publikuar: 24.07.2013 - 11:30
Lodeve, 24 korrik - Si çdo vit edhe këtë korrik në Lodeve të Francës u organizua Festivali Poetik “Voix de la Méditerranée”, i sponsorizuar nga UNESCO. Ishin të ftuar më shumë se 150 artistë, poetë, shkrimtarë, artistë të arteve pamore, balerinë, muzikantë nga i gjithë Pellgu i Mesdheut. Në ceremoninë e hapjes së festivalit, u përkujtua poeti Ali Podrimja, i cili një vit më parë humbi jetën pikërisht në këtë vend. Nuk u lanë pa përmendur dhe vargjet e tij si një testament poetik, ku poeti shprehte dëshirën të vdiste me sytë hapur duke parë nga qielli, ashtu siç ndodhi në realitet, transmeton Sot.
Poezia shqipe këtë vit përfaqësohej nga poetja Rita Petro (Filipi) nga Shqipëria dhe poeti i ri nga Kosova Ndriçim Ademaj. Gjatë takimeve poetike iu bë një prezantim mjaft dinjitoz poezisë dhe kulturës shqipe, e veçanërisht vjetërsisë së gjuhës shqipe. Për poetët e ftuar nga Shqipëria dhe Kosova ishin rezervuar disa takime poetike, ku leximet në gjuhën shqipe shoqëroheshin me leximet nga aktorë francezë. Mjaft interesante ishin takimet poetike në lumin plot gjelbërim të Lodeves, ku njerëzit dëgjonin me këmbët e futura në ujë. Poezia e Rita Petros dhe e Ndriçim Ademaj u duartrokit dhe u prit me një interesim mjaft të madh nga studiuesit e poezisë, nga poetët e ftuar si dhe nga lexuesi francez. Në Antologjinë e botuar prej festivalit Ndriçim Ademaj u përfshi me poezinë “Mon Amour”, ndërsa Rita Petro me vargjet e librit “Shija e instinktit”. “Pasioni dhe energjia femërore, zbulim aq hapur i nënvetëdijes, guximi i poeteshës shqiptare Rita Petro për të krijuar një komunikim aq intim me lexuesin, u vlerësuan nga auditori francez si surpriza të festivalit poetik 2013. Një vit më parë, poezia shqiptare u përfaqësua në këtë festival nga poetja Ilire Zajmi -Rugova si dhe poeti Ali Podrimja. Në edicionin e para një viti pesëdhjetë shkrimtarë nga 24 vende të botës ishin pjesë e këtij manifestimi që u organizua nën patronazhin e UNESCO-s, dhe nuk u ndal vetëm te poezia. Koncerte, ekspozita e ngjarje të tjera nuk munguan në festival, ku ato ditë poeti Podrimja u shpreh se festivali po hap rrugë bashkëpunimi me klubet letrare, poetët, botuesit e fondacionet e ndryshme.
http://www.koha.net/?page=1,5,153353
Poezia shqipe këtë vit përfaqësohej nga poetja Rita Petro (Filipi) nga Shqipëria dhe poeti i ri nga Kosova Ndriçim Ademaj. Gjatë takimeve poetike iu bë një prezantim mjaft dinjitoz poezisë dhe kulturës shqipe, e veçanërisht vjetërsisë së gjuhës shqipe. Për poetët e ftuar nga Shqipëria dhe Kosova ishin rezervuar disa takime poetike, ku leximet në gjuhën shqipe shoqëroheshin me leximet nga aktorë francezë. Mjaft interesante ishin takimet poetike në lumin plot gjelbërim të Lodeves, ku njerëzit dëgjonin me këmbët e futura në ujë. Poezia e Rita Petros dhe e Ndriçim Ademaj u duartrokit dhe u prit me një interesim mjaft të madh nga studiuesit e poezisë, nga poetët e ftuar si dhe nga lexuesi francez. Në Antologjinë e botuar prej festivalit Ndriçim Ademaj u përfshi me poezinë “Mon Amour”, ndërsa Rita Petro me vargjet e librit “Shija e instinktit”. “Pasioni dhe energjia femërore, zbulim aq hapur i nënvetëdijes, guximi i poeteshës shqiptare Rita Petro për të krijuar një komunikim aq intim me lexuesin, u vlerësuan nga auditori francez si surpriza të festivalit poetik 2013. Një vit më parë, poezia shqiptare u përfaqësua në këtë festival nga poetja Ilire Zajmi -Rugova si dhe poeti Ali Podrimja. Në edicionin e para një viti pesëdhjetë shkrimtarë nga 24 vende të botës ishin pjesë e këtij manifestimi që u organizua nën patronazhin e UNESCO-s, dhe nuk u ndal vetëm te poezia. Koncerte, ekspozita e ngjarje të tjera nuk munguan në festival, ku ato ditë poeti Podrimja u shpreh se festivali po hap rrugë bashkëpunimi me klubet letrare, poetët, botuesit e fondacionet e ndryshme.
http://www.koha.net/?page=1,5,153353
No comments:
Post a Comment