Të humbesh në Venedik

Është e pamundur të mos humbesh bile njëherë në Venedik 

na tha një vendas

kur e pyetëm për rrugicën e ngushtë të  hotelit  amore mio 

heshtëm të magjepsur në atë çast përjetësie

 në strehën e të gjithë dashnorëve të botës

ku gjithçka tingëllon e largët  dhe e parëndësishme

të sjell fat të humbesh në Venedik 

na tha  një vendas 

në të vetmin qytet të botës 

ku njeriut do i pëlqente të vdiste nga Dashuria.