Asnjëherë si kam dashur të hënat

 

Ditë e bezdishme e hëna

si çdo fillim tjetër i mërzitshëm i të gjitha  gjërave

e hëna shtriq përtacinë për të numëruar nga e para

tromaks lodhjen e stisur nga ndjekaqejfet e fundjavës

fsheh me xhelozi rrezet e diellit të së dielës

në zymtësinë e shiut vjeshtor

Të hënat s’ më kanë pëlqyer kurrë

as të martën as të mërkurën as të premten

jo  të shtunën e të dielën

ka edhe një  tjetër arsye  pse  nuk e kam dashur kurrë të hënën

më rastis të  më qëllon dita e lindjes

e cili i çmendur  feston të hënën

përpos të marrëve, të dehurve dhe poetëve?