Helenë e panjohur

Edhe unë jam një Helenë e panjohur

mungesën time se vëren askush

 

Asnjë burrë s’u vra për bukurinë time

s’e  mati fuqinë në dyluftim

Trofe lufte a kurban

s’u bë  bukuria e trupi im

Kalë Troje për mua kush s’ ndërtoi

për fajin tim s’u dogj asnjë qytet

Edhe unë jam një Helenë e panjohur
që pret t’a rrëmbëjë një Parid

Jam një Helenë fisnike e shpërfillur

Helenë e panjohur midis jush