ZOTI

 

Zoti është njëri nga ne

I maskuar me parukë syze dielli

Shëtit në të njëjtat rrugë e bulevarde

Vesh minifund e blu xhins të grisur

Zoti (a) i flet të gjitha gjuhët e botës

Pa përkthyes pa telefon mobil internet

Shkruan poezi postmoderne

Aktronë Godotë teatrove të absurdit

Vallëzon dans pa muzikë

Imiton Prislin Pavarotin

Zoti (a) është njëri nga ne

Rokerë njeri i urtë profet vagabond

Flokëgjatë mjekërrzi tullac vetulltrashë

Jezu – Krisht Muhamed Moisi

Vetë herë në kishë sinagogë e xhami

E shpall veten heretik e rebel

I kundërshton kultet perënditë

Beson në frymën e shenjtë

Bibël e  Kuran

Vete në shtëpi publike bënë tatuazhe

konsumon marihuanë

Përkdhel xhelatët e ngushëllon viktimat

Vret dhunon dehet deri në delir

Zoti i burgosur lëshohet me kusht

Mbrohet në liri

Zoti është ai jam unë je ti.  

Zoti është njëri nga ne.